天降大使命
《天降大使命》Thian Kàng Tāi Sú-bīng ─ 臺灣文化協會會歌
合唱ha̍p-tshiùnn臺灣文化協會會歌 Tâi-uân Bûn-huà Hia̍p-huē huē-kua
——————————————
我等攏是亞細亞黃色的人種
ngóo-tíng lóng-sī A-sè-a n̂g-sik ê jîn-tsíng
介在漢族一血脈日本的百姓
kuà tsāi Hàn-tso̍k it-hiat-me̍h Ji̍t-pún ê pah-sìng
所以天降大使命囑咱緊實行
sóo-í thian kàng tāi-sú-bīng tsiok lán kín si̍t-hîng
發達文化振道德造就此才能
huat-ta̍t bûn-huà tsín tō-tik tsō-tsiū tshú tsâi-lîng
欲謀東洋永和平中日愛親善
io̍k bôo Tang-iûnn íng hô-pîng Tiong-Ji̍t ài tshin-siān
我等須當作連鎖和睦此弟兄
ngóo-tíng su-tong tsoh liân-só hô-bo̍k tshú tē-hing
糾合東亞諸民族締結大同盟
kiù-ha̍p Tang-a tsu bîn-tso̍k tè-kiat tāi-tông-bîng
啟發文明比西洋兩兩得並行
khé-huat bûn-bîng pí Se-iûnn lióng-lióng tik pīng-hîng
可免黃白起戰爭世界就和平
khó bián n̂g-pe̍h khí tsiàn-tsing sè-kài tō hô-pîng
臺灣人就是咱的名
Tâi-uân-lâng tiō-sī lán ê miâ
我等一舉天下利豈可自暴棄
ngóo-tíng it-kí thian-hā lī khí khó tsū pō-khì
今仔日咱愛大聲喝
kin-á-ji̍t lán ài tuā-siann huah
但願最後完使命樂為世界人
tān-guān tsuè-āu uân sú-bīng lo̍k uî sè-kài-lâng
咱是臺灣人
lán sī Tâi-uân-lâng
世界人類萬萬歲臺灣名譽馨
sè-kài jîn-luī bān-bān-suè Tâi-uân bîng-ū hiong
臺灣人
Tâi-uân-lâng
可免黃白起戰爭世界就和平
khó bián n̂g-pe̍h khí tsiàn-tsing sè-kài tsiū hô-pîng
臺灣人就是咱的名
Tâi-uân-lâng tiō-sī lán ê miâ
我等一舉天下利豈可自暴棄
ngóo-tíng it-kí thian-hā lī khí khó tsū pō-khì
今仔日咱愛大聲喝
kin-á-ji̍t lán ài tuā-siann huah
但願最後完使命樂為世界人
tān-guān tsuè-āu uân sú-bīng lo̍k uî sè-kài-jîn
咱是臺灣人
lán sī Tâi-uân-lâng
世界人類萬萬歲臺灣名譽馨
sè-kài jîn-luī bān-bān-suè Tâi-uân bîng-ū hiong
臺灣人
Tâi-uân-lâng
