問你為啥物

《問你為啥物》Mn̄g Lí Uī-siánn-mi̍h
白冰冰Pe̍h Ping-ping
——————————————
三年的感情欲分開
sann-nî ê kám-tsîng beh hun-khui
今夜予我啉予醉
kim-iā hōo guá lim hōo tsuì
啉予茫茫毋知醒
lim hōo bâng-bâng m̄-tsai tshínn
免去面對你的傷悲
bián khì bīn-tuì lí ê siong-pi

心愛兩字掛喙邊
sim-ài nn̄g-jī kuà tshuì-pinn
毋知真心抑是假意
m̄-tsai tsin-sim ia̍h-sī ké-ì
真心
tsin-sim
為何你選擇欲離開
uī-hô lí suán-ti̍k beh lī-khui
假意
ké-ì
問你為啥物
mn̄g lí uī-siánn-mi̍h

愛你的心飄落
ài lí ê sim phiau-lo̍h
陣陣寒風的秋葉
tsūn-tsūn hân-hong ê tshiu-hio̍h
漂浪感情也無倚靠
phiau-lōng kám-tsîng iā bô uá-khò
只賰枯枝嘆奈何
tsí tshun koo-ki thàn nāi-hô

愛你的心失落
ài lí ê sim sit-lo̍h
茫茫人海揣攏無
bâng-bâng jîn-hái tshē lóng bô
付出一切也無結果
hù-tshut it-tshè iā bô kiat-kó
愛你敢是我的錯
ài lí kám-sī guá ê tshò