一人媠一項
《一人媠一項》Tsi̍t-lâng Suí Tsi̍t-hāng
任家萱Jīm Ka-suan (Selina)
蕭煌奇Siau Hông-kî
——————————————-
有的人講著愛情心沉重
ū-ê lâng kóng-tio̍h ài-tsîng sim tîm-tāng
較等攏等無彼个著的人
khah tán lóng tán bô hit-ê tio̍h ê lâng
有時陣嫌西
ū sî-tsūn hiâm sai
有時陣嫌東
ū sî-tsūn hiâm tang
免講嘛孤單一人
bián-kóng mā koo-tuann tsi̍t-lâng
嘛有人講著戀愛假內行
mā ū-lâng kóng-tio̍h luân-ài ké lāi-hâng
親像是會行路的菁仔欉
tshin-tshiūnn sī ē kiânn-lōo ê tshinn-á-tsâng
有時陣白賊
ū-sî-tsūn pe̍h-tsha̍t
有時陣白目
ū-sî-tsūn pe̍h-ba̍k
免講嘛顧人怨
bián-kóng mā kòo-lâng-uàn
我望啊望
guá bāng–ah bāng
袂當照心願
buē-tàng tsiàu sim-guān
相愛哪會遐爾難
siong-ài ná ē hiah-nī lân
我等啊等
guá tán–ah tán
相信緊早慢
siong-sìn kín-tsá-bān
緣份將咱配成雙
iân-hūn tsiong lán phuè sîng siang
咱兩人一人媠一項
lán nn̄g-lâng, tsi̍t-lâng suí tsi̍t-hāng
互相莫棄嫌
hōo-siong mài khì-hiâm
情愛就欲轉大人
tsîng-ài tiō beh tńg-tuā-lâng
愛你真樂觀
ài lí tsin lo̍k-kuan
愛你足溫暖
ài lí tsiok un-luán
甜蜜情話遐爾芳
tinn-bi̍t tsîng-uē hiah-nī phang
一人媠一項
tsi̍t-lâng suí tsi̍t-hāng
互相無棄嫌
hōo-siong bô khì-hiâm
兩人仝心最浪漫
nn̄g-lâng kāng-sim tsuè lōng-bān
我會閣努力
guá ē koh lóo-li̍k
我會真骨力
guá ē tsin kut-la̍t
變成你上愛的人
piàn-sîng lí siōng ài ê lâng
你是阮最愛的人
lí sī gún tsuè ài ê lâng
有情人談著戀愛真輕鬆
ū-tsîng-lâng tâm-tio̍h luân-ài tsin khin-sang
世間上四配就是咱兩人
sè-kan siōng sù-phuè tiō-sī lán nn̄g-lâng
有時陣甜甜
ū-sî-tsūn tinn-tinn
有時陣薟薟
ū-sî-tsūn hiam-hiam
這款愛上美滿
tsit-khuán ài, siōng bí-buán
—
你是阮上愛的人
lí sī gún siōng ài ê lâng
你是阮最愛的人
lí sī gún tsuè ài ê lâng
