輕輕叫著你的名

《輕輕叫著你的名》Khin-khin Kiò Tio̍h Lí ê Miâ
王壹珊Ông It-san
——————————————
思念親像一條線
su-liām tshin-tshiūnn tsi̍t-tiâu suànn
牽著你佮我
khan-tio̍h lí kah guá
無論風雨有偌大
bô-lūn hong-hōo ū guā tuā
永遠袂拆散
íng-uán buē thiah-suànn

思念親像一條歌
su-liām tshin-tshiūnn tsi̍t-tiâu kua
溫柔陪伴我
un-jiû puê-phuānn guá
踮在寂寞的暗暝
tiàm-tsāi tsi̍k-bo̍k ê àm-mî
想你袂孤單
siūnn lí buē koo-tuann

愛你的心袂變卦
ài lí ê sim buē piàn-kuà
愛你的人是我
ài lí ê lâng sī guá

輕輕叫著你的名
khin-khin kiò tio̍h lí ê miâ
情路有你陪阮行
tsîng-lōo ū lí puê gún kiânn
毋驚情歌無人聽
m̄-kiann tsîng-kua bô-lâng thiann
毋驚心酸無人疼
m̄-kiann sim-sng bô-lâng thiànn

輕輕叫著你的名
khin-khin kiò tio̍h lí ê miâ
對你感情天知影
tuì lí kám-tsîng thinn tsai-iánn
一世人有你依倚
tsi̍t-sì-lâng ū lí i-uá
閣較艱苦也毋驚
koh-khah kan-khóo iā m̄-kiann