講會到做袂到

《講會到做袂到》Kóng Ē Kàu Tsò Bē Kàu
甲子慧Kah-tsí Huī
——————————————
冷風對面吹
líng-hong tuì bīn tshue
等愛的人
tán ài ê lâng
毋願覺醒
m̄-guān kak-tshénn
情路無反悔
tsîng-lōo bô huán-hué
毋相信
m̄ siong-sìn
愛阮的人來反背
ài gún ê lâng lâi huán-puē

誓言風中飛
sè-giân hong-tiong pue
揣無一句安慰的話
tshuē-bô tsi̍t-kù an-uì ê uē
夜夜孤單過
iā-iā koo-tuann kuè
才知影傷心的人
tsiah tsai-iánn siong-sim ê lâng
無路通退
bô-lōo thang thuè

啊~到底阮是啥人的
ah~ tàu-té gún sī siánn-lâng ê
啊~你講會愛阮一生一世
ah~ lí kóng ē ài gún it-sing it-sè

如果你講會到做袂到
jû-kó lí kóng ē kàu tsuè buē kàu
毋通將山盟海誓揹牢牢
m̄-thang tsiong san-bîng-hái-sè phāinn tiâu-tiâu
講啥物一生中
kóng siánn-mi̍h it-sing tiong
無人比阮較重要
bô-lâng pí gún khah tiōng-iàu

如果你講會到做會到
jû-kó lí kóng ē kàu tsuè ē kàu
將咱的山盟海誓鎖牢牢
tsiong lán ê san-bîng-hái-sè só tiâu-tiâu
阮嘛會為你等候
gún mā ē uī lí tán-hāu
望你牽阮的手
bāng lí khan gún ê tshiú
陪阮到老
puê gún kàu lāu