落雨暝

《落雨暝》Lo̍h-hōo-mî
王瑞霞Ông Suī-hâ
——————————————
落雨暝
lo̍h-hōo-mî
寂寞心情
tsi̍k-bo̍k sim-tsîng
為何你無佇身邊
uī-hô lí bô tī sin-pinn
雨水滴
hōo-tsuí tih
就親像阮的心
tiō tshin-tshiūnn gún ê sim
綿綿的相思斷袂離
mî-mî ê siunn-si tn̄g buē-lī

落雨暝
lo̍h-hōo-mî
憂愁滋味
iu-tshiû tsu-bī
為何你狠心離開
uī-hô lí hiông-sim lī-khui
雨水滴
hōo-tsuí tih
就加添心稀微
tiō ka-thiam sim hi-bî
敢是阮毋願放袂記
kám-sī gún m̄-guān pàng-buē-kì

思念著你的心情
su-liām tio̍h lí ê sim-tsiânn
為何愈想心愈疼
uī-hô jú siūnn sim jú thiànn
怎樣你遮爾無心肝
tsuánn-iūnn lí tsiah-nī bô-sim-kuann
將阮的幸福來拆散
tsiong gún ê hīng-hok lâi thiah-suànn

想你想甲遮孤單
siūnn lí siūnn kah tsiah koo-tuann
是你害阮受風寒
sī lí hāi gún siū hong-kuânn
你離開以後才知影
lí lī-khui í-āu tsiah tsai-iánn
陪伴阮只有落雨聲
puê-phuānn gún tsí-ū lo̍h-hōo siann