練痟話

《練痟話》Liān-siáu-uē
王瑞霞 Ông Suī-hâ
——————————————
五色燈光玲瑯踅
gōo-sik ting-kng lin-long-se̍h
酒啊斟落粉色的酒杯
tsiú–ah thîn lo̍h hún-sik ê tsiú-pue
今夜無愛講情話
kim-iā bô ài kóng tsîng-uē
也毋免啥人陪
iā m̄-bián siánn-lâng puê

迷人的酒斟一杯
bê-lâng ê tsiú thîn tsi̍t-pue
顛顛倒倒綴著音樂踅
tian-tian-tó-tó tuè tio̍h im-ga̍k se̍h
甘願酒醉毋願醒
kam-guān tsiú-tsuì m̄-guān tshénn
傷心我就無奉陪
siong-sim guá tiō bô hōng-puê

無管風
bô-kuán hong
一直吹一直吹
it-ti̍t tshue, it-ti̍t tshue
猶原為著心愛的
iu-guân uī-tio̍h sim-ài–ê
一直飛一直飛
it-ti̍t pue, it-ti̍t pue
戇戇聽信你講的
gōng-gōng thiann-sìn lí kóng–ê
一句話一句話
tsi̍t-kù uē, tsi̍t-kù uē
滿腹熱情變笑詼
muá-pak jia̍t-tsîng piàn tshiò-khue

閣啉一杯
koh lim–tsi̍t-pue
酒醉才來坦白
tsiú-tsuì tsiah lâi thán-pe̍h
你講愛阮
lí kóng ài gún
完全是練痟話
uân-tsuân sī liān-siáu-uē