相思斷崖

《相思斷崖》Siunn-si Tuān-gâi
王瑞霞Ông Suī-hâ
——————————————
請問月娘你敢知
tshiánn-mn̄g gue̍h-niû lí kám tsai
為何伊放阮走天涯
uī-hô i pàng gún tsáu thian-gâi
望無未來
bāng bô bī-lâi
望向大海
bāng hiòng tuā-hái
望伊早日倒轉來
bāng i tsá-ji̍t tò-tńg–lâi

請問月娘你敢知
tshiánn-mn̄g gue̍h-niû lí kám tsai
敢是伊反背阮的愛
kám-sī i huán-puē gún ê ài
海風吹來
hái-hong tshue lâi
陣陣無奈
tsūn-tsūn bô-nāi
啊~啥人疼惜阮目屎
ah~ siánn-lâng thiànn-sioh gún ba̍k-sái

徛佇無邊相思斷崖
khiā tī bô-pinn siunn-si tuān-gâi
大聲喝出心愛
tuā-siann huah tshut sim-ài
目屎已經流成海
ba̍k-sái í-king lâu sîng hái
咱的緣份是誰安排
lán ê iân-hūn sī siáng an-pâi
叫咱袂當相愛
kiò lán buē-tàng siong-ài
予我千年的等待
hōo guá tshian-nî ê tán-thāi

我無愛
guá bô-ài
我無愛
guá bô-ài
請月娘叫伊緊轉來
tshiánn gue̍h-niû kiò i kín tńg–lâi
緊轉來
kín tńg–lâi