燒酒海

《燒酒海》Sio-tsiú-hái
王首承Ông Siú-sîng
——————————————
心情鬱卒
sim-tsîng ut-tsut
無人通了解
bô-lâng thang liáu-kái
恬恬毋願講出來
tiām-tiām m̄-guān kóng–tshut-lâi
孤單行到酒家內
koo-tuann kiânn kàu tsiú-ka lāi
燒酒一杯吞腹內
sio-tsiú tsi̍t-pue thun pak-lāi
一時茫茫也爽快
tsi̍t-sî bâng-bâng iā sóng-khuài
行入酒國的世界
kiânn-ji̍p tsiú kok ê sè-kài
明知不應該
bîng-tsai put ìng-kai
為情沉落燒酒海
uī tsîng tîm lo̍h sio-tsiú-hái
啊~燒酒海
ah~ sio-tsiú-hái

自細漢踮在繁華世界
tsū sè-hàn tiàm-tsāi huân-huâ sè-kài
朋友道義是我所愛
pîng-iú tō-gī sī guá sóo ài
人生計較不應該
jîn-sing kè-kàu put ìng-kai
心酸著愛講出來
sim-sng tio̍h-ài kóng–tshut-lâi
你我有緣才做伙
lí guá ū-iân tsiah tsò-hué
著愛啉予伊爽快
tio̍h-ài lim hōo-i sóng-khuài
你我今日相逢
lí guá tann ji̍t siong-hông
面對燒酒海
bīn-tuì sio-tsiú hái
啊~燒酒海
ah~ sio-tsiú hái