最後一擺想你

《最後一擺想你》Tsuè-āu Tsi̍t-pái Siūnn Lí
王萊Ông Lâi
——————————————
思念親像無底的深坑
su-liām tshin-tshiūnn bô té ê tshim-khinn
用盡心思坉啊坉袂滇
iōng-tsīn sim-su thūn–ah thūn buē tīnn
日時想著你的人
ji̍t–sî siūnn-tio̍h lí ê lâng
半暝叫著你名字
puànn-mî kiò tio̍h lí miâ-jī
日夜隨阮咧糾纏
ji̍t-iā suî gún teh kiù-tînn

明知袂當閣鬥陣
bîng-tsai buē-tàng koh tàu-tīn
偏偏放袂開
phian-phian pàng buē khui
明知戀情已過去
bîng-tsai luân-tsîng í kuè-khì
猶原閣想起
iu-guân koh siūnn-khí
盈暗的雨水落袂離
îng-àm ê hōo-tsuí lo̍h buē-lī
受傷的心肝疼規暝
siū-siong ê sim-kuann thiànn kui-mî

甘願看破一切
kam-guān khuànn-phuà it-tshè
到遮為止
kàu tsia uî-tsí
啊~決心將你放袂記
ah~ kuat-sim tsiong lí pàng-buē-kì
今夜最後一擺想你
kim-iā tsuè-āu tsi̍t-pái siūnn lí