放袂離

《放袂離》Pàng Bē-lī
甲子慧Kah-tsí Huī
——————————————
一蕊路邊小野花
tsi̍t-luí lōo-pinn sió iá-hue
被風吹甲頭犁犁
pī hong tshue kah thâu lê-lê
伊的心內敢袂怨慼
i ê sim-lāi kám buē uàn-tsheh
我若彼蕊小野花
guá ná hit luí sió iá-hue
無人聽阮的心內話
bô-lâng thiann gún ê sim-lāi uē
踮冷清的房間
tiàm líng-tshing ê pâng-king
阮嘛需要人陪
gún mā su-iàu lâng puê

斷腸詩我唱規暝
tuān-tn̂g-si guá tshiùnn kui-mê
傷心目屎流袂盡
siong-sim ba̍k-sái lâu buē tsīn
愛過人才知
ài kuè lâng tsiah tsai
彼種疼是啥滋味
hit tsióng thiànn sī siánn tsu-bī
月娘啊我拜託你
gue̍h-niû–ah guá pài-thok lí
借著月光傳音信
tsioh tio̍h gue̍h-kng thuân im-sìn
講阮日日夜夜思念伊
kóng gún ji̍t-ji̍t-iā-iā su-liām i
伊的形影放袂離
i ê hîng-iánn pàng buē-lī