名份

《名份》Miâ-hūn
甲子慧Kah-tsí Huī
——————————————
心掰袂開
sim pué buē khui
你的人佇阮心內
lí ê lâng tī gún sim-lāi
情斬袂斷
tsîng tsám buē tn̄g
奈何心事無人問
nāi-hô sim-sū bô-lâng mn̄g
阮是等待的女人
gún sī tán-thāi ê lú-jîn
真心是久長
tsin-sim sī kú-tn̂g
一生為愛付出
it-sing uī ài hù-tshut
無怨恨
bô uàn-hūn

雨落規暝
hōo lo̍h kui-mî
想你一重閣一重
siūnn lí tsi̍t-tîng koh tsi̍t-tîng
相思的風吹來
siunn-si ê hong tshue–lâi
一陣閣一陣
tsi̍t-tsūn koh tsi̍t-tsūn
阮是敢愛的女人
gún sī kánn ài ê lú-jîn
愛恨遮爾分明
ài hūn tsiah-nī hun-bîng
我只要一个真正的名份
guá tsí-iàu tsi̍t-ê tsin-tsiànn ê bîng-hūn

請你疼惜阮的心
tshiánn lí thiànn-sioh gún ê sim
毋是一句情話就準算
m̄-sī tsi̍t-kù tsîng-uē tiō tsún-sǹg
毋免對阮用心機
m̄-bián tuì gún iōng sim-ki
阮的感情
gún ê kám-tsîng
單純只愛你
tan-sûn tsí ài lí

轟轟烈烈的過程
hong-hong lia̍t-lia̍t ê kuè-tîng
每一个女人攏想欲得
muí tsi̍t-ê lú-jîn lóng siūnn-beh tit
阮的期待
gún ê kî-thāi
毋是一句我愛你
m̄-sī tsi̍t-kù guá ài lí