十年的感情

《十年的感情》Tsa̍p Nî ê Kám-tsîng
王瑞霞Ông Suī-hâ
—————————–

寂寞的心情
tsi̍k-bo̍k ê sim-tsîng
冬夜雨水冷冰冰
tang-iā hōo-tsuí ling-ping-ping
不變的是阮對你的感情
put-piàn–ê sī gún tuì lí ê kám-tsîng
甜蜜的情形又浮現眼前
tinn-bi̍t ê tsîng-hîng iū phû-hiān gán-tsîng
思念閣有啥路用
su-liām koh ū siánn lōo-īng

癡情的女性
tshi-tsîng ê lú-sìng
將愛當做是前程
tsiong ài tòng-tsuè sī tsiân-tîng
往往是為愛目屎流袂停
íng-íng sī uī ài ba̍k-sái lâu buē thîng
付出的青春啥人會同情
hù-tshut ê tshing-tshun siánn-lâng ē tông-tsîng
愛欲收回怎可能
ài bueh siu-huê tsuánn khó-lîng

一陣風吹袂停
tsi̍t tsūn hong tshue buē thîng
吹走你對阮的熱情
tshue tsáu lí tuì gún ê jia̍t-tsîng
一陣雨落袂停
tsi̍t tsūn-hōo lo̍h buē thîng
目屎佮雨水分袂清
ba̍k-sái kah hōo-tsuí hun buē tshing

風吹心肝冷
hong-tshue sim-kuann líng
抱著思念過一生
phō tio̍h su-liām kuè it-sing
明知影愛像多變的海湧
bîng tsai-iánn ài tshiūnn to-piàn ê hái-íng
千言佮萬語也袂當說明
tshian-giân kah bān-gí iā buē-tàng sueh-bîng
你我十年的感情
lí guá tsa̍p nî ê kám-tsîng