勇敢是咱的名

《勇敢是咱的名》Ióng-kám Sī Lán ê Miâ
王識賢 Ông Sik-hiân
鄭進一 Tēnn Tsìn-it
——————————————
地動天搖半暝半
tē-tāng thinn-iô puànn-mî puànn
山崩地裂起變化
suann-pang tē-li̍h khí piàn-huà
田園厝地賰塗沙
tshân-hn̂g tshù-tē tshun thôo-sua
親情骨肉分離散
tshin-tsîng kut-jio̍k hun-lī suànn

天真的面容寫著驚
thian-tsin ê bīn-iông siá tio̍h kiann
無奈的眼神魂未定
bô-nāi ê gán-sîn hûn bē-tiānn
只有等待佮絕望相替換
tsí-ū tán-thāi kah tsua̍t-bāng sio thè-uānn
人情的溫暖
jîn-tsîng ê un-luán
是唯一的伴
sī uî-it ê phuānn

一陣一陣的機器聲
tsi̍t-tsūn tsi̍t-tsūn ê ke-khì siann
一條一條的性命
tsi̍t-tiâu tsi̍t-tiâu ê sìnn-miā
千千萬萬人??看
tshian-tshian-bān-bān lâng nih-nih khuànn

一句一句哭無聲
tsi̍t-kù tsi̍t-kù khàu bô-siann
一排一排的性命
tsi̍t-pâi tsi̍t-pâi ê sìnn-miā
天公伯仔
Thinn-kong-peh–á
你心肝敢袂疼
lí sim-kuann kám buē thiànn
你心肝敢袂疼
lí sim-kuann kám bē thiànn

臺灣人啊臺灣人
Tâi-uân-lâng–ah Tâi-uân-lâng
咱猶有真遠的路愛行
lán iáu-ū tsin hn̄g ê lōo ài kiânn
悲傷的門先共閂一半
pi-siong ê mn̂g sing kā tshuànn tsi̍t-puànn
目屎拭拭予焦
ba̍k-sái tshit-tshit hōo ta
來佮天地拚輸贏
lâi kah thinn-tē piànn-su-iânn
有一工
ū tsi̍t-kang
全世界攏總會知影
tsuân sè-kài lóng-tsóng ē tsai-iánn
勇敢就是咱的名
ióng-kám tsiū-sī lán ê miâ
—

咱的名
lán ê miâ
咱的名
lán ê miâ