一桶金

《一桶金》Tsi̍t-tháng Kim
王建傑 Ông Kiàn-kia̍t
—————————

溪若無水流袂長
khue nā-bô tsuí lâu buē tn̂g
車若無油駛袂遠
tshia nā-bô iû sái buē hn̄g
人若無錢歹出門
lâng nā-bô tsînn pháinn tshut-mn̂g
好天愛存雨來糧
hó-thinn ài tsûn hōo-lâi-niû

青春是阮上大的資本
tshing-tshun sī gún siōng-tuā ê tsu-pún
阮無欣羨別人的命運
gún bô him-siān pa̍t-lâng ê miā-ūn
英雄出身毋免議論
ing-hiông tshut-sin m̄-bián gī-lūn
三年一運好䆀照輪
sann-nî tsi̍t-ūn, hó-bái tsiàu-lûn

一桶金 有上低的標準
tsi̍t-tháng kim, ū siōng-kē ê piau-tsún
阮目屎嘛準飯吞
gún ba̍k-sái, mā tsún pn̄g thun
一桶金 有偌深的學問
tsi̍t-tháng kim, ū guā-tshim ê ha̍k-būn
予阮拚甲跤酸手軟
hōo gún piànn kah kha-sng tshiú-nńg
艱苦囝敢衝敢拚
kan-khóo-kiánn, kánn tshiong kánn piànn
相信天公一定疼惜阮
siong-sìn thinn-kong it-tīng thiànn-sioh gún