無翁袂輕鬆
https://www.youtube.com/watch?v=rIp3eAc96ZI&fbclid=IwAR38iKoMVAAbwFjIHhyRls-gXh24GckxAoCMy9aIMz0h-5gs4Bdj-kvF0OY
《無翁袂輕鬆》Bô Ang Bē Khin-sang
方瑞娥 Png Suī-ngôo
——————————————
揣來揣去兩三年啊
tshē lâi tshē khì nn̄g-sann nî–ah
揣攏無半項
tshē lóng bô-puànn-hāng
看著厝邊彼个姑娘
khuànn-tio̍h tshù-pinn hit-ê koo-niû
今仔日欲嫁翁
kia̋nn-ji̍t beh kè-ang
阮嘛想欲緊來嫁翁
gún mā siūnn-beh kín lâi kè-ang
毋過揣無人
m̄-koh tshē bô-lâng
若無緊交緣投撇桑
nā-bô kín kau iân-tâu phiat-sáng
阮嘛無希望
gún mā bô hi-bāng
看人咧嫁翁
khuànn lâng teh kè-ang
害阮袂輕鬆
hāi gún buē khin-sang
看人嫁翁
khuànn lâng kè-ang
阮袂輕鬆
gún buē khin-sang
欸~無翁袂輕鬆
eh~ bô ang buē khin-sang
透早一个阿婆走來
thàu-tsá tsi̍t-ê a-pô tsáu–lâi
講欲做媒人
kóng beh tsuè muê-lâng
東西南北囉囉嗦嗦
tang-sai-lâm-pak lo-lo-so-so
講甲遮大空
kóng kah tsiah tuā-khang
報阮看著
pò gún khuànn-tio̍h
隔壁庄的彼个好額人
keh-piah-tsng ê hit-ê hó-gia̍h-lâng
大箍呆
tuā-khoo-tai
閣悾悾神神
koh khong-khong sîn-sîn
一隻若豬公
tsi̍t-tsiah ná ti-kang
看人咧嫁翁
khuànn-lâng teh kè-ang
心情足沉重
sim-tsîng tsiok tîm-tāng
看人嫁翁
khuànn lâng kè-ang
心情沉重
sim-tsîng tîm-tāng
欸~心情足沉重
eh~ sim-tsîng tsiok tîm-tāng
身穿一領新做衫褲
sin tshīng tsi̍t-niá sin-tsuè sann-khòo
花花紅紅
hue-hue âng-âng
啥人想欲娶阮轉去
siánn-lâng siūnn-beh tshuā gún tńg-khì
做著屋桑(奧さん)
tsuè tio̍h ok-sàng
害阮夜夜做著眠夢
hāi gún iā-iā tsuè tio̍h bîn-bāng
人阮咧嫁翁
lâng gún teh kè-ang
哪知半暝目睭擘金
ná tsai puànn-mî ba̍k-tsiu peh-kim
煞來揣無人
suah lâi tshē bô-lâng
看人咧嫁翁
khuànn lâng teh kè-ang
害阮空眠夢
hāi gún khang bîn-bāng
看人咧嫁翁
khuànn lâng teh kè-ang
害阮眠夢
hāi gún bîn-bāng
欸~害阮空眠夢
eh~ hāi gún khang bîn-bāng
