一見鍾情

《一見鍾情》It-kiàn Tsiong-tsîng
方瑞娥Png Suī-ngôo
——————————————
一見鍾情來熟似
it-kiàn tsiong-tsîng lâi si̍k-sāi
約會公園內
iok-huē kong-hn̂g lāi
輕聲細說講情話
khin-siann-sè-sueh kóng tsîng-uē
趣味啥人知
tshù-bī siánn-lâng tsai
呢~心愛的人
neh~ sim-ài ê lâng
實在真可愛
si̍t-tsāi tsin khó-ài
談情說愛到深更
tâm-tsîng sueh-ài kàu tshim-kinn
無愛倒轉去
bô-ài tò-tńg–khì

二次約會心頭定
jī-tshù iok-huē sim-thâu tiānn
招伊看電影
tsio i khuànn tiān-iánn
雙人做陣四界行
siang-lâng tsuè-tīn sì-kè kiânn
烏暗阮毋驚
oo-àm gún m̄-kiann
呢~心愛的人
neh~ sim-ài ê lâng
實在有情義
si̍t-tsāi ū tsîng-gī
毋管時刻到深更
m̄-kuán sî-khik kàu tshim-kinn
繼續閣來去
kè-sio̍k koh lâi-khì

三番兩次去探聽
sam-huan lióng-tshù khì thàm-thiann
想欲做親情
siūnn-beh tsuè-tshin-tsiânn
毋知你欲啥條件
m̄-tsai lí beh siánn tiâu-kiānn
講出毋免驚
kóng tshut m̄-bián kiann
呢~心愛的人
neh~ sim-ài ê lâng
實在真美麗
si̍t-tsāi tsin bí-lē
無論你欲愛啥貨
bô-lūn lí beh ài siánn-hè
全部無問題
tsuân-pōo bô būn-tuê
全部無問題
tsuân-pōo bô būn-tuê
全部無問題
tsuân-pōo bô būn-tuê