風中燈

《風中燈》Hong-tiong Ting
方瑞娥 Png Suī-ngôo
——————————————
以前你佮我的感情
í-tsîng lí kah guá ê kám-tsîng
堅定無人通比並
kian-tīng bô-lâng thang pí-phīng
如今可比風中燈
jû-kim khó-pí hong-tiong ting
毋知何時失光明
m̄-tsai hô-sî sit kong-bîng

初戀的情景
tshoo-luân ê tsîng-kíng
猶原浮在我目前
iu-guân phû tsāi guá ba̍k tsîng
誰知你就僥心來反形
siáng tsai lí tiō hiau-sim lâi huán-hîng
欲講講袂清
beh kóng, kóng buē tshing
欲想跤手冷
beh siūnn, kha-tshiú líng
害我害我
hāi guá hāi guá
心肝捙跋反
sim-kuann tshia-pua̍h-píng