七股戀情

《七股戀情》Tshit-kóo Luân-tsîng

方順吉Png Sūn-kiat

魏嘉榆Guī Ka-jû

——————————————

女)

海風微微仔吹

hái-hong bî-bî-á tshue

親像你對我輕講的話

tshin-tshiūnn lí tuì guá khin-kóng ê uē

咱兩人

lán nn̄g-lâng

欲像海鳥做陣飛

beh tshiūnn hái-tsiáu tsuè-tīn pue

船仔慢慢駛入港

tsûn-á bān-bān sái ji̍p-káng

親像我的手

tshin-tshiūnn guá ê tshiú

攬著你的人

lám tio̍h lí ê lâng

感情比黃昏閣較紅

kám-tsîng pí hông-hun koh-khah âng

男)

如今過幾若冬

jû-kim kuè kuí-lō tang

咱跤步煞來踏無仝

lán kha-pōo suah lâi ta̍h bô-kāng

一个選擇向西

tsi̍t-ê suán-ti̍k hiòng sai

閣一个堅持向東

koh tsi̍t-ê kian-tshî hiòng tang

女)

世態的炎涼啊~

sè-thài ê iām-liâng–ah~

人情的冷暖

jîn-tsîng ê líng-luán

海風微微仔吹

hái-hong bî-bî-á tshue

男)

啊~海鳥輕輕仔飛

ah~ hái-tsiáu khin-khin-á pue

合)

七股戀情是一場夢

Tshit-kóo luân-tsîng sī tsi̍t-tiûnn bāng

夢醒變成空

bāng-tshínn piàn-sîng khang