爸爸是行船人

https://www.youtube.com/watch?v=LzatqqMvuVI&fbclid=IwAR2PjDDVPTEmcvycugSlgidjDzcw7TtvP6wJFXJbYDrVTFmabPkysvU_4BE

《爸爸是行船人》Pá-pah Sī Kiânn-tsûn-lâng
文鶯Bûn-ing
——————————————
青紅燈點點爍
tshinn-âng-ting tiám-tiám sih
港邊黃昏時
káng-pinn hông-hun sî
倚在著慈愛的
uá tsāi tio̍h tsû-ài ê
爸爸身軀邊
pá-pah sin-khu-pinn
無言無語看海面
bô-giân bô-gú khuànn hái-bīn
想著欲分離
siūnn-tio̍h beh hun-lî
等著鑼聲若響時
tán tio̍h lô-siann nā hiáng sî
船就欲開
tsûn tsiū beh khui
爸爸是行船的人
pá-pah sī kiânn-tsûn ê lâng
今夜出帆期
kim-iā tshut-phâng kî

這款的離別是
tsit khuán ê lī-pia̍t sī
常常的代誌
siông-siông ê tāi-tsì
為怎樣到這時
uī-tsuánn-iūnn kàu tsit-sî
猶原心空虛
iu-guân sim khang-hi
目睭看見
ba̍k-tsiu khuànn-kìnn
烏暗的海洋幾千里
oo-àm ê hái-iûnn kuí-tshian lí
無情鑼聲透阮耳
bô-tsîng lô-siann thàu gún ní
船欲離開
tsûn beh lī-khui
爸爸的暗淡笑容
pá-pah ê àm-tām tshiò-iông
予阮心傷悲
hōo gún sim siong-pi

船已經離開去
tsûn í-king lī-khui khì
心內真稀微
sim-lāi tsin hi-bî
阮孤單在岸邊
gún koo-tuann tsāi huānn-pinn
珠淚流袂離
tsu-luī lâu buē-lī
看見船燈點點爍
khuànn-kìnn tsûn-ting tiám-tiám sih
親像咧表示
tshin-tshiūnn teh piáu-sī
叫阮忍耐來等著
kiò gún jím-nāi lâi tán tio̍h
毋免掛意
m̄-bián khuà-ì
爸爸會早日
pá-pah ē tsá-ji̍t
轉來阮的身軀邊
tńg-lâi gún ê sin-khu-pinn