天天醉

《天天醉》Thian-thian Tsuì
方怡萍Png Î-phîng
——————————————
予你傷甲遮爾重
hōo lí siong kah tsiah-nī tāng
心肝是挐氅氅
sim-kuann sī jû-tsháng-tsháng
人前假笑容
lâng tsîng ké tshiò-iông
越過頭
ua̍t-kuè thâu
目屎洗面驚人看
ba̍k-sái sé-bīn kiann lâng khuànn

恨我家己無路用
hūn guá ka-kī bô-lōo-iōng
離你離袂開
lî lí lî buē khui
才來委屈家己假糊塗
tsiah lâi uí-khut ka-kī ké hôo-tôo
留佇你身邊
lâu tī lí sin-pinn

為你我天天醉
uī lí guá thian-thian tsuì
心疼用酒來洗
sim thiànn iōng tsiú lâi sé
斷腸的歌詩唱袂?
tuān-tn̂g ê kua-si tshiùnn bē siān
這段無奈的孽緣
tsit tuānn bô-nāi ê gia̍t-iân

為你我天天醉
uī lí guá thian-thian tsuì
只有燒酒了解我
tsí-ū sio-tsiú liáu-kái guá
人生的坎站行到遮
jîn-sing ê khám-tsām kiânn kàu tsia
何必計較輸贏
hô-pit kè-kàu su-iânn
感情放予伊去爛
kám-tsîng pàng hōo i khì nuā