流浪的馬車

《流浪的馬車》Liû-lōng ê Bé-tshia
文鶯Bûn-ing
——————————————
日頭漸漸欲斜西
ji̍t-thâu tsiām-tsiām beh tshiâ-sai
馬車跑山邊
bé-tshia pháu suann-pinn
載阮憂悶的心情
tsài gún iu-būn ê sim-tsîng
離開夜都市
lī-khui iā too-tshī
阮是一个歹命囝
gún sī tsi̍t-ê pháinn-miā-kiánn
無依無倚的女兒
bô-i-bô-uá ê lú-jî
雖然無厝通好蹛
sui-jiân bô tshù thang-hó tuà
也是一日過一日
iā-sī tsi̍t-ji̍t kè tsi̍t-ji̍t
坐著流浪的馬車
tsē tio̍h liû-lōng ê bé-tshia
啊~欲對佗位去
ah~ beh tuì tó-uī khì

異鄉冷淡的暗暝
ī-hiong líng-tām ê àm-mî
鈴聲響四邊
lîng-siann hiáng sì-pinn
回頭看見夜都市
huê-thâu khuànn-kìnn iā too-tshī
燈火冷微微
ting-hué líng bî-bî
已經過了的代誌
í-king kè-liáu ê tāi-tsì
毋願閣再來想起
m̄-guān koh-tsài lâi siūnn-khí
快樂自由的日子
khuài-lo̍k tsū-iû ê ji̍t-tsí
毋知著愛等底時
m̄-tsai tio̍h-ài tán tī-sî
坐著流浪的馬車
ts ē tio̍h liû-lōng ê bé-tshia
啊~欲對佗位去
ah~ beh tuì tó-uī khì

遙遠路途幾千里
iâu-uán lōo-tôo kuí-tshian lí
馬車跑海邊
bé-tshia pháu hái-pinn
抱著悲慘的心情
phō tio̍h pi-tshám ê sim-tsîng
飄浪的女兒
phiau-lōng ê lú-jî
雖然勞苦日連暝
sui-jiân lô-khóo ji̍t liân mî
應該提出著勇氣
ìng-kai the̍h tshut tio̍h ióng-khì
無論怎樣來拖磨
bô-lūn tsánn-iūnn lâi thua-buâ
總是也會出頭天
tsóng-sī iā ē tshut-thâu-thinn
坐著流浪的馬車
tsē tio̍h liû-lōng ê bé-tshia
啊~欲對佗位去
ah~ beh tuì tó-uī khì