思鄉

《思鄉》Su-hiong
文夏Bûn-hā
——————————————
離開故鄉三年外
lī-khui kòo-hiong sann-nî guā
精神苦疼身拖磨
tsing-sîn khóo-thiànn sin thua-buâ
有路通行無厝通好蹛
ū lōo thang kiânn bô tshù thang-hó tuà
何時會得較快活
hô-sî ē-tit khah khuìnn-ua̍h

故鄉光景今啥款
kòo-hiong kong-kíng kim siánn-khuán
思念親友心情亂
su-liām tshin-iú sim-tsiânn luān
爸母為囝不時咧操煩
pē-bú uī kiánn put-sî teh tshau-huân
何時會得較心寬
hô-sî ē-tit khah sim khuan

男人思鄉想規暝
lâm-jîn su-hiong siūnn kui-mî
每日思鄉深立志
muí-ji̍t su-hiong tshim li̍p-tsì
佳哉星光有時月也圓
ka-tsài tshinn kng ū-sî ge̍h iā înn
就是圓滿榮歸時
tsiū-sī uân-buán îng kui sî