心愛的賣花姑娘

https://www.youtube.com/watch?v=sAGAfNxb2CQ&fbclid=IwAR166kshDeDVf3UebfBjOptWlWoKBqCTLQkALoWmyceVrGtYIo9fuEKmsaE

《心愛的賣花姑娘》Sim-ài ê Bē-hue Koo-niû
文夏Bûn-hā
——————————————
彼日踮在
hit ji̍t tiàm-tsāi
彼間茶房的門口
hit king tê-pâng ê mn̂g-kháu
看著彼个賣花小姑娘
khuànn-tio̍h hit ê bē-hue sió-koo-niû
面肉幼麵麵
bīn-bah iù mī-mī
烏烏目睭真迷人
oo-oo ba̍k-tsiu tsin bê-lâng
不時對我笑咪咪
put-sî tuì guá tshiò bî-bî
有時送秋波
ū-sî sàng tshiu-pho
姑娘姑娘
koo-niû koo-niû
我是真愛你
guá sī tsin ài lí
毋通予我
m̄-thang hōo guá
為你想規暝
uī lí siūnn kui-mî
我來對你講著心內
guá lâi tuì lí kóng-tio̍h sim-lāi
苦苦的心情
khóo-khóo ê sim-tsîng
請你聽我講一下
tshiánn lí thiann guá kóng–tsi̍t-ē
聽我講一下
thiann guá kóng–tsi̍t-ē

彼日踮在
hit ji̍t tiàm-tsāi
彼間茶房的門口
hit king tê-pâng ê mn̂g-kháu
佮著彼个賣花小姑娘
kah tio̍h hit ê bē-hue sió-koo-niû
約束欲出去
iok-sok beh tshut–khì
等待日落黃昏時
tán-thāi ji̍t-lo̍h hông-hun sî
快樂心情這時陣
khuài-lo̍k sim-tsîng tsit sî-tsūn
親像飛上天
tshin-tshiūnn pue tsiūnn-thinn
姑娘姑娘
koo-niû koo-niû
可愛的姑娘
khó-ài ê koo-niû
今夜來去彼條溪仔邊
kim-iā lâi-khì hit tiâu khe-á-pinn
我會對你表示心內
guá ē tuì lí piáu-sī sim-lāi
愛你的心情
ài lí ê sim-tsîng
請你予我唚一下
tshiánn lí hōo guá tsim–tsi̍t-ē
予我唚一下
hōo guá tsim–tsi̍t-ē

彼日踮在
hit ji̍t tiàm-tsāi
彼間茶房的門口
hit king tê-pâng ê mn̂g-kháu
聽著彼个賣花小姑娘
thiann-tio̍h hit ê bē-hue sió-koo-niû
答應欲結婚
tah-ìng beh kiat-hun
欲佮我過一世
beh kah guá kuè tsi̍t-sè
雙人永遠不分離
siang-lâng íng-uán put hun-lî
永遠好情意
íng-uán hó tsîng-ì
姑娘姑娘
koo-niû koo-niû
心愛的姑娘
sim-ài ê koo-niû
你是我的心內的寶貝
lí sī guá ê sim-lāi ê pó-puè
你來對我表示心內
lí lâi tuì guá piáu-sī sim-lāi
歡喜的心情
huann-hí ê sim-tsîng
請你為我吼一暝
tshiánn lí uī guá háu tsi̍t-mî
為我吼一暝
uī guá háu tsi̍t-mî