吉他知影無

《吉他知影無》Gì-tah Tsai-iánn Bô
文光Bûn-kong
——————————————
深更孤單在橋頂
tshim-kinn koo-tuann tsāi kiô-tíng
抱著吉他心哀悲
phō tio̍h gì-tah sim ai-pi
想昔時你我雙人
siūnn sik-sî lí guá siang-lâng
唸歌唱曲心歡喜
liām-kua tshiùnn-khik sim huann-hí
如今吉他在身邊
jû-kim gì-tah tsāi sin-pinn
心愛你是在哪裡
sim-ài lí sī tsāi ná-lí
伊的聲
i ê siann
伊的影
i ê iánn
吉他知影無
gì-tah tsai-iánn bô

三更半暝是深更
sann-kinn-puànn-mî sī tshim-kinn
露水霜冷星稀微
lōo-tsuí sng-líng tshinn hi-bî
思念你孤單一个
su-liām lí koo-tuann tsi̍t-ê
悾悾戇戇在山邊
khong-khong gōng-gōng tsāi suann-pinn
只有吉他伴身邊
tsí-ū gì-tah phuānn sin-pinn
心愛你是在哪裡
sim-ài lí sī tsāi ná-lí
伊的情
i ê tsîng
伊的愛
i ê ài
吉他知影無
gì-tah tsai-iánn bô

公園內面冷靜靜
kong-hn̂g lāi-bīn líng-tsīng-tsīng
因為已經是深更
in-uī í-king sī tshim-kinn
男子漢為情苦嘆
lâm-tsú-hàn uī tsîng khóo-thàn
揣無心愛彼个人
tshuē-bô sim-ài hit ê lâng
吉他吉他彈出著
gì-tah gì-tah tuânn tshut tio̍h
男兒純情メロディ(melody)
lâm-jî sûn-tsîng me-lóo-lih
伊的人
i ê lâng
伊的心
i ê sim
吉他知影無
gì-tah tsai-iánn bô