初戀的港都

《初戀的港都》Tshoo-luân ê Káng-too

文夏Bûn-hā

——————————————

頭一次來的

thâu-tsi̍t-tshù lâi ê

這个港都

tsit ê káng-too

雖然只有是

sui-jiân tsí-ū sī

四五日的咱情份

sì-gōo ji̍t ê lán tsîng-hūn

汽笛若響一聲

khì-ti̍k nā hiáng tsi̍t-siann

想著離別心內苦

siūnn-tio̍h lī-pia̍t sim-lāi khóo

暗流著目屎看街市

àm lâu tio̍h ba̍k-sái khuànn ke-tshī

駛袂出的港都

sái bē tshut ê káng-too

離開遠茫茫

lī-khui hn̄g bông-bông

彼个港都

hit ê káng-too

若閣來的時

nā koh lâi ê sî

一定佮你來做伴

it-tīng kah lí lâi tsò-phuānn

再會啦可愛的

tsài-huē–lah khó-ài–ê

彼个初戀的姑娘

hit ê tshoo-luân ê koo-niû

月娘也親像在悲傷

ge̍h-niû iā tshin-tshiūnn tsāi pi-siong

何處去的航路

hô-tshù khì ê hang-lōo

心所愛的人

sim sóo-ài ê lâng

彼个姑娘

hit ê koo-niû

毋是無情的故意

m̄-sī bô-tsîng ê kòo-ì

佮你來離開

kah lí lâi lī-khui

海面的行船人

hái-bīn ê kiânn-tsûn-lâng

隨著波浪東又西

suî tio̍h pho-lōng tang iū sai

期待著雙人相會時

kî-thāi tio̍h siang-lâng siong-huē sî

請保重再會啦

tshiánn pó-tiōng tsài-huē–lah