I LOVE YOU無望

《I LOVE YOU無望》I love you bô-bāng
五月天Gōo-gue̍h-thinn
——————————–

是你的形影
sī lí ê hîng-iánn
叫我逐工做眠夢
kiò guá ta̍k-kang tsuè bîn-bāng
夢中可愛的人
bāng-tiong khó-ài ê lâng,
伊毋是別人
i m̄-sī pa̍t-lâng

我的每一工
guá ê muí-tsi̍t-kang
一分鐘也袂當輕鬆
tsi̍t-hun-tsing iā bē-tàng khin-sang
你是阮愛的人
lí sī gún ài ê lâng
將阮來戲弄
tsiong gún lâi hì-lāng

九月的風咧吹
káu-gue̍h ê hong leh tshue
哪會寒到心肝底
ná ē kuânn kàu sim-kuann té
希望變無望
hi-bāng piàn bô-bāng
決定我的一世人
kuat-tīng guá ê tsi̍t-sì-lâng

I LOVE YOU 無望
I love you, bô-bāng
你敢是這款人
lí kám sī tsit-khuán lâng
無法度來做陣
bô huat-tōo lâi tsuè-tīn
也無法度將阮放
iā bô huat-tōo tsiong gún pàng

I LOVE YOU 無望
I love you, bô-bāng
我就是這款人
guá tiō sī tsit-khuán lâng
我身邊無半項
guá sin-pinn bô puànn-hāng
只有對你的思念
tsí-ū tuì lí ê su-liām
陪伴我的每一工
puê-phuānn guá ê muí-tsi̍t-kang