盼仔假兄弟
《盼仔假兄弟》Phàn-á Ké Hiann-tī
七郎Tshit-lông
——————————————
做著烏肚庫(男/おとこ)
tsuè tio̍h oo-tóo-khooh
忍聲吞氣
jím-siann thun-khì
佮人學著
kah lâng o̍h tio̍h
盼仔假兄弟
phàn-á ké hiann-tī
四界去盤撋酒肉朋友
sì-kè khì puânn-nuá tsiú-bah pîng-iú
甘願做著落魄的男兒
kam-guān tsuè tio̍h lo̍k-phik ê lâm-jî
當今的社會
tong-kim ê siā-huē
好好做生理
hó-hó tsuè-sing-lí
莫去沐著歹代誌
mài khì bak-tio̍h pháinn tāi-tsì
做人靠實力
tsuè-lâng khò si̍t-li̍k
拍拚落去
phah-piànn–lo̍h-khì
毋通佮人盼仔假兄弟
m̄-thang kah lâng phàn-á ké hiann-tī
↓↓—(口白)—↓↓
啊!別人做鱸鰻較大尾
ah! pa̍t-lâng tsuè lôo-muâ khah tuā-bué
阮做兄弟是有夠衰
gún tsuè hiann-tī sī ū-kàu sue
毋是三頓食無一頓飽
m̄-sī sann-tǹg tsia̍h bô tsi̍t-tǹg pá
就是橐袋仔定定佇咧hànn-tah
tiō-sī lak-tē-á tiānn-tiānn tī-leh hànn-tah
賊頭毋是追就是逐
tsha̍t-thâu m̄-sī tui tiō-sī jik
捙拚注袂拍先走
tshia-piànn-tù buē phah sing tsáu
衰甲若鼓吹
sue kah nā kóo-tshue
老大的喝一聲
láu-tuā–ê huah tsi̍t-siann
叫我去買薰
kiò guá khì bué hun
也佮買檳榔
iā kah bué pin-nn̂g
我一定毋敢翹喙脣皮啦
guá it-tīng m̄-kánn khiàu tshuì-tûn-phuê–lah
啊!我是盼仔佇咧假兄弟
ah! guá sī phàn-á tī-leh ké hiann-tī
做著有夠衰
tsuè tio̍h ū-kàu sue
有夠狼狽啦!
ū-kàu liông-puē–lah !
