錢有啥路用

《錢有啥路用》Tsînn Ū Siánn Lōo-iōng
尤雅 Iû Ngá
——————————————
一年前我有機會
tsi̍t-nî tsîng guá ū ki-huē
予人提拔佮牽成
hōo-lâng thê-pua̍t kah khan-sîng
為著唱十萬箍風行
uī-tio̍h tshiùnn tsa̍p-bān-khoo hong-hîng
會得來成名
ē-tit lâi sîng-bîng

阮媽媽真絕情
gún má-mah tsin tsua̍t-tsîng
兩萬箍來害囝一生
nn̄g-bān khoo lâi hāi kiánn it-sing
反背的心袂安定
huán-puē ê sim buē an-tīng
兩萬箍閣趁袂成
nn̄g-bān khoo koh thàn buē sîng
只有賰四千
tsí-ū tshun sì-tshing

在社會予人批評
tsāi siā-huē hōo-lâng phue-phîng
臭名萬世無路用
tshàu-miâ bān-sì bô-lōo-īng
媽媽你愛錢無愛阮
má-mah lí ài tsînn bô-ài gún
害阮心憂悶
hāi gún sim iu-būn

做序大不應該
tsuè sī-tuā put ìng-kai
兩萬箍來誤囝前程
nn̄g-bān khoo lâi gōo kiánn tsiân-tîng
反背人的媽媽你
huán-puē lâng ê má-mah lí
女兒的名聲墜落
lú-jî ê miâ-siann tuī-lo̍h
四千啥路用
sì-tshing siánn lōo-īng

我一生親像眠夢
guá it-sing tshin-tshiūnn bîn-bāng
怨嘆已經無彩工
uàn-thàn í-king bô-tshái-kang
媽媽你無情無義
má-mah lí bô-tsîng bô-gī
害阮心茫茫
hāi gún sim bâng-bâng

從今後阮光明
tsiông-kim-āu gún kong-bîng
到底是欲靠啥人
tàu-tué sī beh khò siánn-lâng
反背人仙著毋通
huán-puē lâng, sian tio̍h m̄-thang
苦勸你毋通像我
khóo-khǹg lí m̄-thang tshiūnn guá
才袂變臭人
tsiah buē piàn tshàu-lâng