老兄行酒樓
《老兄行酒樓》Lāu-hiann Kiânn Tsiú-lâu
土包仔Thóo-pau-á
莊明珠Tsng Bîng-tsu
——————————————
一枝出去嘛喝單單
tsi̍t-ki tshut–khì–mah huah tan-tan
老兄酒醉嘛賣啊江山
lāu-hiann tsiú-tsuì–mah bē–ah kang-san
錢銀是老兄親手趁
tsînn-gûn sī lāu-hiann tshin-tshiú thàn
哎喲予娘仔開了無相干
aih-iō hōo niû-á khai liáu bô-siong-kan
兩枝出去嘛喝兩好
nn̄g-ki tshut–khì–mah huah lióng-hó
老兄生媠嘛正緣投
lāu-hiann sinn suí–mah tsiànn iân-tâu
燒酒是娘仔親手留
sio-tsiú sī niû-á tshin-tshiú lâu
哎喲予老兄啉了過暝操
aih-iō hōo lāu-hiann lim liáu kuè-mê tshau
三枝出去嘛喝三心
sann-ki tshut–khì–mah huah sam-sim
阿娘仔生媠嘛若觀音
a-niû-á sinn suí–mah ná Kuan-im
錢銀是老兄親手印
tsînn-gûn sī lāu-hiann tshin-tshiú ìn
予娘仔開了無要緊
hōo niû-á khai liáu bô-iàu-kín
四枝出去嘛喝四紅
sù-ki tshut–khì–mah huah sù-hông
老兄生媠嘛若關公
lāu-hiann sinn suí–mah ná Kuan-kong
燒酒是娘仔親手用
sio-tsiú sī niû-á tshin-tshiú iōng
予老兄啉了意難忘
hōo lāu-hiann lim liáu ì lân-bōng
六枝出去嘛喝落輪
la̍k-ki tshut–khì–mah huah lok-lián
阿娘仔生媠嘛若貂蟬
a-niû-á sinn suí–mah ná Tiau-siân
錢銀是老兄親手獻
tsînn-gûn sī lāu-hiann tshin-tshiú hiàn
哎喲予娘仔開了會新鮮
aih-iō hōo niû-á khai liáu ē sin-sián
七枝出去嘛喝七撨
tshit-ki tshut–khì–mah huah tshit-tshiâu
老兄做人嘛真啊逍遙
lāu-hiann tsuè-lâng–mah tsin–ah siau-iâu
燒酒是娘仔親手料
sio-tsiú sī niû-á tshin-tshiú liāu
哎喲予老兄啉了好吉兆
aih-iō hōo lāu-hiann lim liáu hó-kiat-tiāu
八枝出去嘛喝八仙
peh-ki tshut–khì–mah huah pat-sian
阿娘仔生媠嘛若天仙
a-niû-á sinn suí–mah ná thinn-sian
錢銀是老兄親手變
tsînn-gûn sī lāu-hiann tshin-tshiú piàn
予娘仔開了會欣羨
hōo niû-á khai liáu ē him-siān
九枝出去嘛喝九怪
káu-ki tshut–khì–mah huah káu-kuài
老兄做人嘛心啊袂歪
lāu-hiann tsuè-lâng–mah sim–ah buē uai
燒酒是娘仔親手灌
sio-tsiú sī niû-á tshin-tshiú kuàn
予老兄啉了心爽快
hōo lāu-hiann lim liáu sim sóng-khuài
十枝出去嘛喝總開
tsa̍p-ki tshut–khì–mah huah tsóng-khai
阿娘仔生媠嘛若花開
a-niû-á sinn suí–mah ná hua khai
錢銀是老兄親手來
tsînn-gûn sī lāu-hiann tshin-tshiú lâi
哎喲予娘仔開了無干礙
aih-iō hōo niû-á khai liáu bô kan-gāi
十枝無出嘛喝攏無
tsa̍p-ki bô-tshut–mah huah lóng-bô
老兄做人嘛真啊溫和
lāu-hiann tsuè-lâng–mah tsin–ah un-hô
燒酒是娘仔親手倒
sio-tsiú sī niû-á tshin-tshiú tó
哎喲予老兄啉了萬事和
aih-iō hōo lāu-hiann lim liáu bān-sū hô
