美麗島

《美麗島》Bí-lē-tó (台語版)
巴奈Panai Kusui
—————————————

晟咱大漢的美麗島
tshiânn lán tuā-hàn ê Bí-lē-tó
親像老母溫暖疼惜
tshin-tshiūnn lāu-bú un-luán thiànn-sioh
歷代的祖先注目咧看
li̍k-tāi ê tsóo-sian tsù-ba̍k teh khuànn
看咱怎樣紲接怹跤步
khuànn lán tsuánn-iūnn suà-tsiap in kha-pōo
祖先一代閣一代咧吩咐
tsóo-sian tsi̍t-tāi koh tsi̍t-tāi teh huan-hù
毋通袂記 毋通袂記
m̄-thang buē-kì, m̄-thang buē-kì
祖先一代閣一代咧吩咐
tsóo-sian tsi̍t-tāi koh tsi̍t-tāi teh huan-hù
殷勤開墾 殷勤拍拚
un-khûn khai-khún, un-khûn phah-piànn
海水清清的太平洋
hái-tsuí tshing-tshing ê Thài-pîng-iûnn
圍著這苦難的美麗島
uî-tio̍h tse khóo-lān ê Bí-lē-tó
雖然日光遍照土地
sui-jiân ji̍t-kng piàn tsiò thóo-tē
光照懸山溪水佮田園
kng tsiò kuân-suann, khe-tsuí kah tshân-hn̂g
遮爾媠的鄉土是咱所有
tsiah-nī suí ê hiong-thóo sī lán sóo-ū
祖先開墾 上天賞賜
tsóo-sian khai-khún, siōng-thian siúnn-sù
土地有生出豐富的土產
thóo-tē ū senn tshut hong-hù ê thóo-sán
水牛 稻仔 弓蕉 玉蘭花
tsuí-gû, tiū-á, king-tsio, gio̍k-lân-hue