無情夜港邊

《無情夜港邊》Bô-tsîng Iā-káng-pinn

尤君Iû Kun

——————————————

夜港邊落雨暗暝

iā-káng-pinn lo̍h-hōo àm-mî

港口燈光顯稀微

káng-kháu ting-kng hián hi-bî

波浪聲音無停時

pho-lōng siann-im bô thîng-sî

響在我耳邊

hiáng tsāi guá hīnn-pinn

想起著早當時啊

siūnn-khí tio̍h tsá-tong-sî–ah

一片鍾情愛著你

it-phiàn tsiong-tsîng ài tio̍h lí

希望將來結連理

hi-bāng tsiong-lâi kiat-liân-lí

今夜已經看無你

kim-iā í-king khuànn-bô lí

到底你是在哪裡

tàu-tué lí sī tsāi ná-lí

↓↓—(口白)—↓↓

今夜的雨水

kim-iā ê hōo-tsuí

猶原落袂離

iu-guân lo̍h buē-lī

心愛的

sim-ài–ê

你到底是在哪裡

lí tàu-tué sī tsāi ná-lí

經過已經是一年

king-kuè í-king sī tsi̍t-nî

阮是真心等待你

gún sī tsin-sim tán-thāi lí

毋知何時再相見

m̄-tsai hô-sî tsài sio-kìnn

↑↑—(口白)—↑↑

眠夢中夢見著你

bîn-bāng tiong bāng-kìnn tio̍h lí

轉來踮在阮身邊

tńg-lâi tiàm-tsāi gún sin-pinn

雙人坐在小船頂

siang-lâng tsē tsāi sió-tsûn tíng

搖來又搖去

iô-lâi iū iô-khì

怎樣明水優秀啊

tsuánn-iūnn bîng-tsuí iu-siù–ah

你我合唱青春詩

lí guá ha̍p-tshiùnn tshing-tshun si

希望將來結連理

hi-bāng tsiong-lâi kiat-liân-lí

叫我怎樣袂想你

kiò guá tsuánn-iūnn buē siūnn lí

心愛你是在哪裡

sim-ài lí sī tsāi ná-lí

落雨暝孤單一人

lo̍h-hōo mî koo-tuann tsi̍t-lâng

予阮更加心空虛

hōo gún kìng-ka sim khang-hi

雨水點點滴袂離

hōo-tsuí tiám-tiám tih buē-lī

夜風冷吱吱

iā-hong líng-ki-ki

總虧是有這暝啊

tsóng khui sī ū tsit mî–ah

傷心已經無了時

siong-sim í-king bô-liáu-sî

毋知何時再相見

m̄-tsai hô-sî tsài sio-kìnn

痴情對你心綿綿

tshi-tsîng tuì lí sim mî-mî

期待相逢的日子

kî-thāi siong-hông ê ji̍t-tsí