枉費青春

《枉費青春》Óng-huì Tshing-tshun

夕陽武士樂團Si̍k-iông Bú-sū Ga̍k-thuân

——————————————

看著舊相片

khuànn-tio̍h kū siòng-phìnn

情願毋捌你

tsîng-guān m̄-bat lí

可愛的志氣

khó-ài ê tsì-khì

是走去佗位

sī tsáu khì tó-uī

手骨的傷痕

tshiú-kut ê siong-hûn

只是一口氣

tsí-sī tsi̍t-kháu-khuì

人生的選擇

jîn-sing ê suán-ti̍k

袂當閣後悔

buē-tàng koh hiō-hué

情啊愈講愈心虛

tsîng–ah jú kóng jú sim-hi

道義的路上

tō-gī ê lōo-siōng

愈行只有愈忝

jú kiânn tsí-ū jú thiám

義啊留戀無意義

gī–ah lâu-luân bô ì-gī.

若是看愈重

nā-sī khuànn jú tāng

心情是愈沉重

sim-tsîng sī jú tîm-tāng

有過一擺閣一擺的痛苦

ū kuè tsi̍t-pái koh tsi̍t-pái ê thòng-khóo

總算才了解

tsóng-sǹg tsiah liáu-kái

紛紛擾擾袂平

hun-hun-jiáu-jiáu buē pîng,

憤慨變成無奈

hùn-khài piàn-sîng bô-nāi

我問我堅強的理由

guá mn̄g guá kian-kiông ê lí-iû,

其實就佇我心內

kî-si̍t tiō tī guá sim-lāi

枉費青春不應該

óng-huì tshing-tshun put ing-kai