愛

《愛》Ài

尤鳳Iû Hōng

——————————————

明知只愛你一人

bîng-tsai tsí ài lí tsi̍t-lâng

情絲袂相牽

tsîng-si buē sann-khan

不知不覺咱雙人

put-ti-put-kak lán siang-lâng

已經落情網

í-king lo̍h tsîng-bāng

心茫茫啊心茫茫

sim bâng-bâng–ah sim bâng-bâng

想欲唚喙來輕鬆

siūnn-bueh tsim-tshuì lâi khin-sang

想著心飄動

siūnn tio̍h sim phiau-tāng

興奮目箍紅

hìng-hùn ba̍k-khoo âng

毋知情話講啥物

m̄-tsai tsîng-uē kóng siánn-mi̍h

伴阮講規暝

phuānn gún kóng kui-mî

講來講去離袂開

kóng-lâi kóng-khì lî buē khui

阮永遠愛你

gún íng-uán ài lí

耳空邊啊耳空邊

hīnn-khang-pinn–ah hīnn-khang-pinn

講阮愛你的代誌

kóng gún ài lí ê tāi-tsì

想著見笑死

siūnn tio̍h kiàn-siàu sí

心內暗歡喜

sim-lāi àm huann-hí

指頭仔含在喙內

tsíng-thâu-á kâm tsāi tshuì-lāi

希望見君來

hi-bāng kìnn kun lâi

阮咧愛你是實在

gún teh ài lí sī si̍t-tsāi

毋通再疑猜

m̄-thang tsài gî-tshai

真愛你呢你敢毋知

tsin-ài lí–neh lí kám m̄-tsai

若袂了解阮心內

nā buē liáu-kái gún sim-lāi

悽慘可憐代

tshi-tshám khó-lîn-tāi

來死較應該

lâi sí khah ìng-kai