小妹的心聲

《小妹的心聲》Sio-muāi ê Sim-siann
尤雅Iû Ngá
——————————————
叫一聲
kiò tsi̍t-siann
阿兄
a-hiann
我的話你著愛聽
guá ê uē lí tio̍h-ài thiann

人踮世間是趁名聲
lâng tiàm sè-kan sī thàn miâ-siann
做人狼狽是通人驚
tsuè-lâng liông-puē sī thong-lâng kiann
欲食毋討趁
beh tsia̍h m̄ thó-thàn
為錢賭性命
uī tsînn tóo sìnn-miā
這款歹路毋通行
tsit khuán pháinn-lōo m̄-thang kiânn

滿腹的真情
muá-pak ê tsin-tsîng
勸勸著阿兄
khuàn-khǹg tio̍h a-hiann
你著目睭看予正
lí tio̍h ba̍k-tsiu khuànn hōo tsiànn
你著心頭掠予定
lí tio̍h sim-thâu lia̍h hōo tiānn
為著前途勞力拍拚
uī-tio̍h tsiân-tôo lô-li̍k phah-piànn
這款才是查埔囝
tsit khuán tsiah-sī tsa-poo-kiánn