南國月夜

《南國月夜》Lâm-kok Gue̍h-iā
尤雅Iû Ngá
——————————————
南國的椰子樹葉
lâm-kok ê iâ-tsí tshiū-hio̍h
隨風搖啊搖
suî hong iô–ah iô
好親像向對海面
hó-tshin-tshiūnn hiòng tuì hái-bīn
替阮來鬥叫
thuè gún lâi tàu kiò
叫著愛人趕緊
kiò tio̍h ài-jîn kuánn-kín
轉來阮的身軀邊
tńg-lâi gún ê sin-khu-pinn
海鳥也是雙雙對對
hái-tsiáu iā-sī siang-siang-tuì-tuì
刺激阮心意
tshì-kik gún sim-ì
啊~放阮一人
ah~ pàng gún tsi̍t-lâng
你怎遮無情
lí tsuánn tsiah bô-tsîng

南國的銀色月娘
lâm-kok ê gûn-sik ge̍h-niû
對阮笑啊笑
tuì gún tshiò–ah tshiò
好親像笑著女性
hó-tshin-tshiūnn tshiò tio̍h lú-sìng
規暝心頭燒
kui-mî sim-thâu sio
等著愛人早日轉來
tán tio̍h ài-jîn tsá-ji̍t tńg–lâi
完成好情愛
uân-sîng hó tsîng-ài
風也帶著思戀熱情
hong iā tài tio̍h su-luân jia̍t-tsîng
吹入空房內
tshue ji̍p khang pang-lāi
啊~放阮一人
ah~ pàng gún tsi̍t-lâng
你怎遮無情
lí tsuánn tsiah bô-tsîng

南國的海邊波浪
lâm-kok ê hái-pinn pho-lōng
開聲哭啊哭
khui-siann khàu–ah khàu
好親像看阮為你
hó-tshin-tshiūnn khuànn gún uī lí
目屎暝日流
ba̍k-sái mî-ji̍t lâu
為著愛人
uī-tio̍h ài-jîn
無半張批
bô puànn-tiunn phue
安慰心寂寞
an-uì sim tsi̍k-bo̍k
離開了後已經三年
lī-khui liáu-āu í-king sann-nî
無人通照顧
bô-lâng thang tsiàu-kòo
啊~放阮一人
ah~ pàng gún tsi̍t-lâng
你怎遮無情
lí tsuánn tsiah bô-tsîng

南國的吉他哀調
lâm-kok ê gì-tah ai-tiāu
啥人彈啊彈
siánn-lâng tuânn–ah tuânn
好親像替阮哀怨
hó-tshin-tshiūnn thuè gún ai-uàn
異鄉的情伴
ī-hiong ê tsîng-phuānn
怨著愛人一時變心
uàn tio̍h ài-jîn tsi̍t-sî piàn-sim
耽誤阮青春
tam-gōo gún tshing-tshun
今夜猶原規暝袂睏
kim-iā iu-guân kui-mî buē khùn
心頭亂紛紛
sim-thâu luān hun-hun
啊~放阮一人
ah~ pàng gún tsi̍t-lâng
你怎遮無情
lí tsuánn tsiah bô-tsîng