輕輕鬆鬆
《輕輕鬆鬆》Khin-khin-sang-sang
一綾It-lîng
——————————————
偌久毋捌看天邊
guā kú m̄-bat khuànn thinn-pinn
原來猶有閃爍的星
guân-lâi iáu-ū siám-sih ê tshinn
夜都市的霓虹燈
iā-too-tshī ê nî-hông-ting
已經照甲阮袂喘氣
í-king tsiò kah gún buē tshuán-khuì
生活踅來閣踅去
sing-ua̍h se̍h-lâi koh se̍h-khì
無閒甲毋知為啥物
bô-îng kah m̄-tsai uī-siánn-mih
到底是佗一齣戲
tàu-té sī tó tsi̍t-tshut hì
才是我原來的自己
tsiah-sī guá guân-lâi ê tsū-kí
不如來輕輕鬆鬆
put-jû lâi khin-khin-sang-sang
大聲唱歌
tuā-siann tshiùnn-kua
心情放予快活
sim-tsîng pàng hōo khuìnn-ua̍h
出去行行
tshut-khì kiânn-kiânn
四界看看
sì-kè khuànn-khuànn
世界原來遮爾闊
sè-kài guân-lâi tsiah-nī khuah
規氣來輕輕鬆鬆
kui-khì lâi khin-khin-sang-sang
想空想縫
siūnn-khang-siūnn-phāng
頭殼放予空空
thâu-khak pàng hōo khang-khang
人生短短
jîn-sing té-té
計較創啥
kè-kàu tshòng siánn
歡喜一工過一工
huann-hí tsi̍t-kang kuè tsi̍t-kang