痴情無人疼

《痴情無人疼》Tshi-tsîng Bô-lâng Thiànn

一綾It-lîng

——————————————

愛像一首歌

ài tshiūnn tsi̍t-siú kua

唱袂煞啊唱袂煞

tshiùnn buē suah–ah tshiùnn buē suah

情嘛一首歌

tsîng mā tsi̍t-siú kua

放袂落啊受拖磨

pàng buē lo̍h–ah siū thua-buâ

夢中醒來

bāng-tiong tshínn–lâi

一切如煙花

it-tshè jû ian-hua

攬寂寞攬孤單才心疼

lám tsi̍k-bo̍k lám koo-tuann tsiah sim thiànn

愛情歌嘛為你譜

ài-tsîng kua mā uī lí phóo

為你唱嘛為你寫

uī lí tshiùnn mā uī lí siá

誰知世間痴情袂變卦

siáng tsai sè-kan tshi-tsîng buē piàn-kuà

女人心嘛為你戇

lú-jîn sim mā uī lí gōng

為你痴嘛為你野

uī lí tshi mā uī lí iá

為著你心亂如麻

uī-tio̍h lí sim luān jû bâ

風雨聲陣陣

hong-hōo siann tsūn-tsūn

擾亂阮啊阮心肝

jiáu-luān gún–ah gún sim-kuann

上驚最後

siōng kiann tsuè-āu

痴情無人疼

tshi-tsîng bô-lâng thiànn