愛萬萬年

《愛萬萬年》Ài Bān-bān-nî

一綾It-lîng

——————————————

做伙到老

tsò-hué kàu lāu

是咱咒誓的代誌

sī lán tsiù-tsuā ê tāi-tsì

三生石頂

sam-sing-tsio̍h tíng

刻咱的名字

khik lán ê miâ-jī

有你在身邊陪伴的日子

ū lí tsāi sin-pinn puê-phuānn ê ji̍t-tsí

鹹酸苦澀我攏願意

kiâm-sng-khóo-siap guá lóng guān-ì

愛你愛你我愛你

ài lí ài lí guá ài lí

毋是只有掛喙邊

m̄-sī tsí-ū kuà tshuì-pinn

用一生性命來表示

iōng it-sing sìnn-miā lâi piáu-sī

無論到海角抑是到天邊

bô-lūn kàu hái-kak ia̍h-sī kàu thinn-pinn

人生旅途永遠伴相隨

jîn-sing lú-tôo íng-uán phuānn-siong-suî

無論有偌濟重新開始

bô-lūn ū guā-tsuē tiông-sin khai-sí

猶原選擇愛萬萬年

iu-guân suán-ti̍k ài bān-bān-nî