一个人的下晡

《一个人的下晡》Tsi̍t-ê-lâng ê E-poo
Why Not 樂團
——————————————
拄仔才睏起來
tú-á tsiah khùn–khí-lâi
又閣是下晡的時間
iū-koh sī ē-poo ê sî-kan
毋知為啥物
m̄-tsai uī-siánn-mih
無想欲上班
bô siūnn-beh siōng-pan
想欲揣你出來
siūnn-beh tshē lí tshut-lâi
去啉一杯下午茶
khì lim tsi̍t-pue hā-ngóo-tê
但是你講你無閒
tān-sī lí kóng lí bô-îng
只好家己出來踅踅
tsí-hó ka-kī tshut-lâi se̍h-se̍h

先來誠品買一本雜誌
sing lâi Sîng-phín bé tsi̍t-pún tsa̍p-tsì
才來Friday’s啉一杯咖啡
tsiah lâi Friday’s lim tsi̍t-pue ka-pi
共工課的壓力
kā khang-khuè ê ap-li̍k
攏放予袂記
lóng pàng hōo buē-kì
就算明仔日
tiō sǹg bîn-á-ji̍t
主管會予阮歹面色
tsú-kuán ē hōo gún pháinn bīn-sik
嘛毋免交代去佗位
mā m̄-bián kau-tài khì tó-uī
就當做我拍無去
tiō tòng-tsò guá phah bô khì

其實一个人的下晡
kî-si̍t tsi̍t-ê-lâng ê ē-poo
嘛蓋趣味
mā kài tshù-bī
四界趖趖
sì-kè sô-sô
看看Office Lady
khuànn-khuànn Office Lady
若是兩个人的日子
nā-sī nn̄g-ê lâng ê ji̍t-tsí
為著欲來趁錢
uī-tio̍h beh lâi thàn-tsînn
拚甲欲死
piànn kah beh-sí
就無遮四序
tō bô tsiah sù-sī