請叫阮的名

Coca-Koala

請叫阮的名
Tshiánn Kiò Gún ê Miâ

–

等無心愛的人　猶原一个人
tán-bô sim-ài ê lâng, iu-guân tsi̍t ê lâng
袂輸咧夢中　醒來總是空
buē-su leh bāng-tiong, tshìnn–lâi tsóng-sī khang
伊的批信無來　苦苦我咧等待
i ê phue-sìn bô lâi, khóo-khóo guá leh tán-thāi
心中毋敢講　我的向望
sim-tiong m̄-kánn kóng, guá ê ǹg-bāng

你行去佗位　予我無望　大海總是茫茫
lí kiânn khì tó-uī, hōo guá bô bāng, tuā-hái tsóng-sī bâng-bâng
夜夜咧等　夜夜咧夢　人生閣賰幾冬
iā-iā leh tán, iā-iā leh bāng, jîn-sing koh tshun kuí tang
心愛的人　夢中的人　暗夜賰我一人
sim-ài ê lâng, bāng-tiong ê lâng, àm-iā tshun guá tsi̍t lâng
有情的人　請毋通　袂記阮的名
ū-tsîng ê lâng, tshiánn m̄-thang, buē-kì gún ê miâ

若有來生　請叫阮的名
nā ū lâi-sing, tshiánn kiò gún ê miâ