彼句話

https://www.youtube.com/watch?v=QIwv3K9YQX4&fbclid=IwAR0Bmf0XaTupvZc2XIYSetO6mWo1Hg6ZeNpAZwuYeb813Auckx5XoDf2O80

《彼句話》Hit Kù Uē
Baboo樂團
——————————-
熟似你的頭一句話
si̍k-sāi lí ê thâu tsi̍t-kù uē
你敢猶會記得
lí kám iáu ē-kì-eh
袂記得嘛無要緊
buē-kì-eh mā bô-iàu-kín
我較袂歹勢
guá khah buē pháinn-sè
(猶毋過我閣會記得)
(iáu-m̄-koh guá koh ē-kì-eh)
彼陣你是綁馬尾
hit-tsūn lí sī bǎngmǎwěi
無像這馬鉸短短
bô tshiūnn tsit-má ka té-té
彼陣你穿白馬靴
hit-tsūn lí tshīng pe̍h mǎxuē
彼雙這馬敢猶有佇咧
hit siang tsit-má kám iáu ū tī–eh

初初看著你
tshoo-tshoo khuànn tio̍h lí
心內攏無準備
sim-lāi lóng bô tsún-pī
煞毋敢佮你講半句話
suah m̄-kánn kah lí kóng puànn-kù uē
若無天公伯仔
nā bô thinn-kong-peh–á
共咱做機會
kā lán tsò ki-huē
我哪有彼號膽
guá ná ū hit-lō tánn
敢講出彼句話
kánn kóng tshut hit kù uē

咱熟似佇啥物所在
lán si̍k-sāi tī siánn-mi̍h sóo-tsāi
我雄雄袂記得
guá hiông-hiông buē-kì-eh
袂記得就袂記得
buē-kì-eh tō buē-kì-eh
咱毋通閣冤家
lán m̄-thang koh uan-ke
(我干焦會記得)
(guá kan-ná ē-kì-eh)
彼陣你攏笑咪咪
hit-tsūn lí lóng tshiò bi-bi
無像這馬定定無歡喜
bô tshiūnn tsit-má tiānn-tiānn bô huann-hí
彼陣大大細項攏真甜
hit-tsūn tuā-tuā-sè-hāng lóng tsin tinn
漸漸才知影生活的滋味
tsiām-tsiām tsiah tsai-iánn sing-ua̍h ê tsu-bī

逐工看著你
ta̍k-kang khuànn tio̍h lí
抹粉閣點胭脂
buah-hún koh tiám ian-tsi
煞毋知欲佮你講啥物話
suah m̄-tsai beh kah lí kóng siánn-mi̍h uē
若是天公伯仔
nā-sī thinn-kong-peh–á
刁工來創治
thiau-kang lâi tshòng-tī
咱嘛毋通閣怨嘆
lán mā m̄-thang koh uàn-thàn
日子會較好過
ji̍t-tsí ē khah hó kuè