本土語言推廣–六年級本土語答喙鼓學生朝會活動
答喙鼓
A宇涵 B宥中 C榮桂
A B逐家敖早 A我是宇涵 B我是阿中
AB阮雙腳站齊齊，共逐家行一個禮。
C 稍等一下 抑搁有我啦！
A 耶！是啥人咧！喔！是阿桂你喔！
B 你是走叼位去啦！即馬才到位，險險啊袂赴市呢。
C 聽到講欲上臺，我就緊張甲腹肚稍寡疼疼，走去蹲便所啦！歹勢！歹勢！
A 毋就較早講，莫怪你走甲喘吁吁。
C 好啦！我嘛雙腳站齊齊，共逐家行一個禮。逐家敖早！
A 好啊，加話麥搁講，咱今仔日正式來講一句真有意思的俗語。
B 啥物咧！
A 是好聽搁有意思的俗語，聽我說來：飯會用得凊彩食，話袂用得凊彩講。
C 耶！哩哩囉囉是咧講啥物咧！
B 惦惦咱搁請宇涵搁講一遍。
A 好啦！我搁講一遍恁注意聽，飯會用得凊彩
食，話袂用得凊彩講。
B 來，我用國語解說一遍，同學注意聽喔！
意思是：飯可以隨便吃、任意吃，但是講話要
謹慎，不可以隨便說，以免引起不必要的誤會，而產生不必要的糾紛。
C 原來是安呢喔！有影就對，飯食濟、食少家己會當準-tsat，話講出去就收袂轉來囉！
B 對！對！對！規叢好好無剉！咱囡仔人，袂使
開喙合喙就屁啦！白痴啦！
A 是啊！囡仔人開喙愛講好話，遮的話袂使凊彩
講，若無會拍歹感情。
A B C 同學咱逐家來講三遍
飯會用得凊彩食，話袂用的凊彩講
阮就講到遮，講好、講歹麥氣嫌
多謝逐家
