全新的繁體中文 WordPress 網站《宜蘭部落格教育平台 網站》
~~~ 【肉粽之歌】楊焜顯 ~~~
五月五_縛肉粽[tsàng] 炒秫[tsu̍t]米_塗豆鬆[sang]
香菇_爌肉_芳芳芳[phang]
燃[ hiânn]柴_柴火紅 紅火_著[to̍h]灶空[khang]
幸福_食入_腹肚[pak-tóo]藏[tshàng]
海翁台語文學月刊第102期
之一
五月五 縛肉粽
炒秫米 塗豆鬆
香菇爌肉芳芳芳
燃柴柴火紅
紅火著灶空
幸福食入腹肚藏
之二
頭尖尖 腰尖尖
尻川嘛尖尖
尖尖親像縫針
牽絲喙舌黏黏黏
內餡有甜也有鹹
氣味芳 無人嫌
莊文龍 ~~四句聯~~
人講七字文用精，起承轉合做總成，
簡潔精鍊大意定，天縱英才台語興。
【何故賰（剩）一】
「何」先今年欲倚四十，猶是孤家寡人一個；伊的tâng（同）年好友阿文仔已經是三個囝a的老父
有一工阿文仔共詼講：何孤、何故，何字身邊無人我看你愛改姓「可」囉
何先講：非是何故是吾何必，我若欲、姑娘uì這排到街仔尾，moâ年phāⁿ兩三個a予你鼻香咧！
一年容易又春天、啥款？嘛是無。
今仔日阿文仔抵著伊又擱共ge：何先生、阿可兄，人講四十歲的查甫人出一支嘴，你即馬雞喙變鴨嘴a-hō͘ⁿ，何先不但身邊無人嘛無嘴通講，照理愛姓「丁」！
時間飛縱、阿文仔怹查某孫欲嫁翁囉！老何仔來啉喜酒
阿文仔看著伊吐一下大氣講：何先生、阿可兄、丁sàng，猶是家己一個人來？
我看你彼支曲曲的嘛愛擲掉免用啊，干乾賰「一」thang姓囉—–。
【華語粗解】
「何」先：何先生
欲倚四十：將近四十歲
三個囝a：三個孩子
共詼：話語消遣
我若欲：我若想要
uì這：從這裡
moâ年：明年
phāⁿ：追、交女朋友
抵著伊：遇到他
共ge：語言消遣
一支嘴：一張嘴
即馬：現在
怹查某孫：他的孫女
啉喜酒：喝喜酒
彼支曲曲的：那彎彎勾勾的
擲掉免用：丟掉不能用
干乾賰「一」thang姓囉：只剩「一」可以姓
林文信 挽茶bán tê
南山豔麗挽茶期
碧綠金青翠玉絲
三葉一芯輕挽起
千山萬里莫推辭
承恩露水如春雨
德澤冰霜化杏池
人面紅妝淹景緻
纖纖細手折其枝
梅雨時節雨紛揮，落英繽紛歸山圍。
山嵐出岫霧霏霏，林風鬧葉鵲鴉飛。
~~~~現實社會~~~~ 劉惠蓉 2009台語作品
有錢 叫你董个 ~ 無錢 叫你等个
有錢 啉威士忌 ~ 無錢 啉維士比
有錢 講話大聲 ~ 無錢 講話啥聽
有錢 看病免排 ~ 無錢 破病等埋
有錢 駛車囂俳 ~ 無錢 等車悲哀
有錢 山珍海味 ~ 無錢 欠碗減箸
有錢 逐家攏好 ~ 無錢 恁娘較好
有錢 妝甲媠媠 ~ 無錢 穿甲那鬼
不管有錢無錢 ~ 歡喜自在就清閒
有錢無錢，歡喜清閒，攏是好心情啦! 落雨天，祝福逐家平安、清心!
有錢、無錢，皆有無仝的煩惱，甘焦知足上蓋好！ 知足、樂暢，無煩無惱，有閒來揣文字之寶、揣走文學之好，人生才會充實閣快樂。
無仝造型的阿桑，曾經留落來的紀錄
twblg.dict.edu.tw
眾神啊！恁徦聽看咧！敢講選著是天命？彼是：
上天出題來考試，咱人就愛較細膩，只是天意非天命，非非亂來轉be7去。
【得慈悲】
選自我的新演出作品《魅.媾-牡丹 亭的生死戀》
合用七字調吟唱
嵯峨壓藏觀音容
三生因果得慈祥
喥地添火盡供養
求得慈悲賜明光
blog.ilc.edu.tw
