v:* {behavior:url(#default#VML);}
o:* {behavior:url(#default#VML);}
w:* {behavior:url(#default#VML);}
.shape {behavior:url(#default#VML);}
Normal
0
false
0
2
false
false
false
EN-US
ZH-TW
X-NONE
MicrosoftInternetExplorer4
/* Style Definitions */
table.MsoNormalTable
{mso-style-name:表格內文;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:12.0pt;
mso-bidi-font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-hansi-font-family:Calibri;
mso-hansi-theme-font:minor-latin;
mso-font-kerning:1.0pt;}
Tsì-sîng Tionn 在台語社社團中分享了用四句寫日誌的貼文。
用四句寫日誌(2015/01/16)
2015/01/16
========
5532.
M̄-kuán pa̍t-lâng tsuánn kám-siū. Khuài-mn̂g tshi̍h–lo̍h tsiânn tshàng-tshiū.
毋管別人怎感受，快門揤落誠聳鬚，
Tshenn-tsō ka-tsok hē to̍k-tshiú. Thâng-thuā in-tshú sit tsū-iû.
生造佳作下毒手，蟲豸因此失自由。
(2015/1/16)
5533.
Kok-tsióng kho-bo̍k ta̍k-hāng bak. Kiánn beh khó-tshī puê i tha̍k.
各種科目逐項沐，囝欲考試陪伊讀，
A̍h tsai hun-sòo tian-tò lak. Sim-kuann tshin-tshiūnn tsiam leh tsha̍k.
曷知分數顛倒落，心肝親像針咧鑿。
(2015/1/16)
5534.
Sin khan thih-bé sì-kè kiânn. Lâi khuànn Āu-lí pháu-bé tiânn.
身牽鐵馬四界行，來看后里跑馬埕，
Tsiong-kun tshuā ping siōng tshia-iānn. Siân-sī pâi-pián ū lâu-miâ.
將軍tshuā兵上奢颺，禪寺牌匾有留名。
(2015/1/16)(2015/1/19改寫)
5535.
Tsi̍t-ê tsháu-poo hun lāi-guā. Kang-san-bān-lí tsū-khai-khua.
一个草埔分內外，江山萬里自開誇，
A-put-tó-á iáu-siū tuā. Khuànn tsīn sè-sū tsē hi-hua.
阿不倒仔夭壽大，看盡世事濟虛華。
(2015/1/16)
5536.
Phah-sí-lâng-kiā kū tē-miâ. Tsìng-lâng thiann–tio̍h ē tio̍h-kiann.
拍死人崎舊地名，眾人聽著會著驚，
Tsin-siòng jû-hô tsuánn tsai-iánn. Si̍t-tē huâi-kóo tsē hong-siann.
真相如何怎知影，實地懷古濟風聲。
(2015/1/16)
5537.
Kiánn iáu sè-hàn bóng lâi thiànn. Si̍t-kóo nā tīng tsū-iû kiânn.
囝猶細漢罔來疼，翼股若tīng自由行，
Sui-jiân tsit-tsūn sioh-miā-miā. Kok-lâng tshut-thuat tsuánn thàm-thiann.
雖然這陣惜命命，各人出脫怎探聽。
(2015/1/16)
5538.
Kî-kiû má-tsóo tio̍h lîng-siànn. Thih-tiam-suann tíng thiann hong-siann.
祈求媽祖著靈聖，鐵砧山頂聽風聲，
Siōng-kài hó-tsia̍h sī soo-piánn. Tsháu-tshio̍h tsháu-bō ū tshut-miâ.
上蓋好食是酥餅，草蓆草帽有出名。
(2015/1/16)
5539.
Tâi-lâm iā-tshī pâi tsò-hué. Tuā tuā bú hue tuā bú hue.
台南夜市排做伙，大大武花大武花，
Nā-sī m̄-tsai liām siánn-huè. Jú liām jú kì suah jú hue.
若是毋知唸啥貨，愈唸愈記煞愈花。
(2015/1/16)
5540.
Tsá tsai kok-lâng bô kāng miā. Kiò in tha̍k-tsheh tio̍h koo-tsiânn.
早知各人無仝命，叫in讀冊著姑情，
Khó-tshī tsìn-tsîng ke-kiám piànn. Tshuàn iōng hó-khang bóng lâi siânn.
考試進前加減拚，串用好空罔來唌。
(2015/1/16)
5541.
Lâm-tshiúnn hù-kīn ū Sin-ting. Tuā-ke-sió-hāng tsē hue-king.
南廠附近有新町，大街小巷濟花間，
Ū-tsînn a-sià ti-ko sìng. Hong-tîn lú-tsú siōng bô-tsîng.
有錢阿舍豬哥性，風塵女子上無情。
(2015/1/16)
5542.
M̄-kiann tsi̍t-lōo kiânn hn̄g-hn̄g. Lâi-kàu Sin-ting Tsin-hue-hn̂g.
毋驚一路行遠遠，來到新町真花園，
Beh pān tāi-tsì khòo tio̍h thǹg. Liâm-mi pān liáu hiâm iā tn̂g.
欲辦代誌褲著褪，連鞭辦了嫌夜長。
(2015/1/16)
5543.
A-ko bô sioh ka-tī lám. Kok-tē suí hue lóng beh tham.
阿哥無惜家己荏，各地媠花攏欲貪，
Phah-pháinn sin-thé lâng kóng gām. Kiânn bô sann-pōo khòo-té tâm.
拍歹身體人講儑，行無三步褲底澹。
(2015/1/16)
5544.
Guān tī Lâm-tshiúnn tsò láu-tuā. Mài tiàm Sin-ting lo̍<span style="mso-bidi-font-size: 12.0pt; font-family: '新細明體','serif'; mso-bidi-font